Magabisita si Pope Leo XIV sa pungsod sang Turkey kag sa Lebanon.
Suno sa Vatican, ini ang una niya nga biyahe bilang Santo Papa halin sang siya ang nagpungko sa puwesto sang Mayo kasunod sang pagtaliwan ni Pope Francis.
Matabo ang pagbisita sa Turkey sa Nobyembre 27 tubtob 30.
Ginalauman nga makakit-anay sila kag maka-istoryahanay ni Patriarch Bartholomew, ang spiritual nga lider sang mga Orthodox nga Kristiyano.
Pagkatapos sini, magapadayon siya sa Lebanon halin Nobyembre 30 tubtob Disyembre 2.
Ginapaabot nga makapakig-angut siya sa mga Kristiyano nga ara sang Middle East agud magpanawagan sang kalinong sa lugar.
