Gin-anunsyo ni Iloilo Governor Arthur Defensor, Jr. nga suspendido na ang office operations sa Iloilo Provincial Capitol subong nga adlaw.
Ini kasunod sang linog nga nagluntad pasado alas sais kaina sang aga nga nagtay-og mangin sa Iloilo City.
“The Provincial Engineer’s Office (PEO) and the Provincial Disaster Risk Reduction and Management Office (PDRRMO) will be conducting thorough assessment of the building’s structural integrity,” kabahin sang announcement sang Iloilo Provincial Government.
Ginpasalig man nga magapadayon ang mga opisina nga involved sa vital, basic, and health services amo man ang para sa emergency response.
Sa separado nga abiso, naghingyo ang gobernador sa mga eskwelahan, banwa, ospital, kag mga private spaces nga may high-rise structures nga i-aassess ang structural integrity sang mga estruktura.
Nahibaluan nga ginpanubo sang Philippine Institute of Volcanology and Seismology (Phivolcs) sa 4.2 ang magnitude sang linog nga nagtay-og sa Guimbal, Iloilo 6:48 kaina sang aga.
4.4 magnitude ang una nga gin-report sang ahensya.
Tectonic in origin ang linog kag may kadalumon nga 15 kilometros.
Yari ang reported intensities:
Intensity IV – CITY OF ILOILO; Nueva Valencia, GUIMARAS
Intensity III – Guimbal, Miagao, and Oton, ILOILO
Instrumental Intensities:
Intensity III – Nueva Valencia, GUIMARAS
Intensity II – San Lorenzo, GUIMARAS; CITY OF ILOILO; City of Bago, NEGROS OCCIDENTAL
Intensity I – Culasi, ANTIQUE; City of La Carlota, NEGROS OCCIDENTAL
