Ginpasalamatan ni Kris Aquino ang iya ex-boyfriend nga si Dr. Mike Padlan nga nagbulig sa pagtatap sa iya samtang ginabatuan sini ang iya 11 ka autoimmune diseases.
Kabahin ini sang statement ni Kris matapos ginkumpirma nga nakaguwa na siya sa ospital kag nakasaylo sa iya bag-o nga puluy-an matapos ang anum ka semana nga pagtinir sa balay bululngan kag pagpaidalom sa isa ka minor surgery.
Gintawag sang aktres si Dr. Mike bilang “one call away” sang Christmas nga nakahibalo gilayon sang husto nga mga doktor nga makabulig sa iya nga kondisyon.
Pahayag ni Kris, bilog nga kabuhi sini nga tamdon ang kabalaslan kay Dr. Mike bangud kun wala ini, pat-od nga wala naman siya subong bangud sang mga hitabo sang Disyembre 25 kag 26.
“My former boyfriend, who was literally one call away on Dec. 25 and 26 and facilitated my confinement, Dr. Mike Padlan — I AM FOREVER INDEBTED BECAUSE WITHOUT HIM, I WOULD NO LONGER BE HERE,” pahayag sini.
Dugang niya, bisan nga natapos man ang ila relasyon bilang magkahagugma, nagpabilin naman ang ila koneksyon bilang physician kag pasyente.
“We didn’t work as a couple, BUT we do work as physician and patient because Dr. Mike knows me and how my body works; he has seen and continues to witness me at my weakest and instinctively knows which doctors I will get along with,” dugang pa sang Queen of All Media.
Nag-umpisa ang ila relasyon sang 2024, apang nagbulagay man pagkasunod nga tuig.
Sa bahin sang iya ikaayong lawas, ginlaragway ni Kris ang iya kaugalingon subong nga “super lampa” ukon “super frail” ukon tuman pa kahina. Una na sini ginpakigbahin nga nagasuprer siya sang deep vein thrombosis magluwas pa sang iya nga autoimmune conditions.
