Ginkumpiskar sang otoridad sang Japan ang barko nga ginagamit sa pagpangisda nga nagikan sa China.
Gin-aresto man sini ang kapitan sini matapos nagpalagyo sa inspeksyon sa sulod sang exclusive economic zone sang Japan.
May 10 ka sakay ang nasambit nga barko sang natabo ang insidente.
Apisar nakakumpiskar na ang Japan sang mga barko nga pangisdaan halin sa South Korea kag Taiwan sang mga nagligad nga tinuig, ini naman ang labing una nga ginakaulamiran sang sakayan-pandagat nagikan sa China humalin tuig 2022.
Natabo ini sa tunga sang nagalala nga diplomatiko nga relasyon sa tunga sang duwa ka pungsod.
Suno sa Chief Cabinet Secretary sang Japan nga si Minoru Kihara magapadayon ang mga ini sang hugot kag determinado nga pagpatuman sang layi agud malikawan kag mapa-untat ang illegal nga pagpangisda sang mga foreign vessel sa ila nga pungsod.
Wala naman sang sabat ang foreign ministry ng China sa nasambit nga pahayag sang Japan.
