Nagpanawagan si Pope Leo XIV sa mga tumuluo nga mangin mahinalungon sa lenggwahe nga ginagamit kag likawan ang mga tinaga nga makasaklaw ukon makasakit sa iban.
“I would like to invite you to a very practical and frequently unappreciated form of abstinence: that of refraining from words that offend and hurt our neighbor,” kabahin sang mensahe sang Santo Papa sa Lenten Season.
Tion ini suno kay Pope Leo nga i-renew ang pagtuo kag likawan nga mapuno sang mga kabalaka kag distractions sa palibot.
Gin-engganyo sini ang mga tumuluo nga magpuasa indi lamang sa pagkaon kundi sa mga masakit nga mga tinaga kag sa pag-judge sa iban nga mga tawo. Dapat man likawan suno sa iya ang pagpakamalaot sa mga tawo nga indi man makadepensa sang ila kaugalingon.
Ginapangabay sini ang pagka-maayo kag respeto sa pamilya, mga abyan, ka-trabaho, kag mangin sa social media kag bisan pa sa mga pagsumpakilay sa pulitika.
“Let us begin by disarming our language, avoiding harsh words and rash judgement, refraining from slander and speaking ill of those who are not present and cannot defend themselves,” suno sa Santo Papa. “Instead, let us strive to measure our words and cultivate kindness and respect in our families, among our friends, at work, on social media, in political debates, in the media and in Christian communities.”
Magluwas diri, ginpanawagan man sang Santo Papa sa mga tumuluo nga mangin handa sa pagpamati pirme.
“Let us ask for the strength that comes from the type of fasting that also extends to our use of language,” dugang sang Pope. “so that hurtful words may diminish and give way to a greater space for the voice of others.”#
