Nag-post si Israeli Prime Minister Benjamin Netanyahu sang video sini nga naga-inom siya sang kape samtang yara ini sa Jerusalem.
Ginpakita ini sa Telegram matapos ginpaguwa sang Iranian state media kag ginpalapnag sa Tehran nga napatay na ukon napilasan si Netanyahu bangud sa ila nga pag-atake.
“I’m crazy about coffee. You know what? I’m crazy about my people,” pahayag ni Netanyahu sa kaupod sini nga aide.
Una na nga ginsiling sang Iran Revolutionary Guards nga puntariyahon nila ang amo nga Israeli Prime Minister samtang nagapadayon ang gyera.
Napasaka ang emergency safety restrictions sa bilog nga Israel halin sang nag-umpisa ang gyera sang Pebrero 28.
Halin sang nagsugod ang gyera, nakabisita si Netanyahu sa duha ka mga lugar nga gin-igu sang Iranian missiles kag nakakadto man siya sa ospital kag port kag military bases, apang limitado lamang ang media access.
Ang iya lamang opisina ang direkta nga nagapaguwa sang videos ilabi na ang mga statement sini kaangot sa development sang tensyon sa rehiyon kag ang mga bagay nga naga-involve sang interes sang Israel.#
