Nagpalab-ot sang mensahe ang isa sa mga opisyal sang Iran nga luyag na sang ila pungsod sang ceasefire ukon tapuson na ang gyera nga nagaluntad sa Middle East suno kay US President Donald Trump.
Suno kay Trump, ila lang nga ikonsiderar ang nasambit nga pag-untat sang pagpang-atake sa Iran kun matigayon na nga mabuksan para sa tanan nga pungsod ang Strait of Hormuz.
Ginpakigbahin man sini paagi sa iya nga social media post nga samtang wala pa mabuksan ang Strait, padayun sila nga magalunsar sang pagpang-atake sa Iran.
Nangin dako nga isyu ang pagsarado sang Strait of Hormuz, bangud 20 tubtob 30% sang langis ang nagatabok sa Strait antes nga madeliver sa iban nga pungsod kaangay sang Estados Unidos.
Madumduman nga ginpalab-ot man ni Trump sa publiko nga possible nga magauntat na ang Estados Unidos sa pagpang-atake sa masunod nga duha tubtob 3 ka semana.
