Gina-usisa sang Ombudsman ang mga ebidensiya kaangot sa ginaalegar nga sayop nga paggamit sang multimillion-peso nga confidential funds sang mga opisina ni Vice President Sara Duterte.
Suno ini kay Ombudsman Jesus Crispin Remulla sa press conference kahapon, Oktubre 16.
“We’re evaluating it [the records] so that we can actually evaluate it for proper filing if necessary,” pahayag sini.
“We will ask the prosecution to turn over to us their evidence for the other charges that have not been aired out yet. We are entitled to look at that,” dugang pa ni Remulla.
Matandaan nga ginpahayag sang prosecution panel sa impeachment trial nga may misuse sang P612.5 million nga confidential funds kun sa diin P500 million ang yara sa Office of the Vice President kag P112.5 million naman sa Department of Education kun sa diin tiglikom anay si Duterte.
Isa ang alleged misuse sang confidential funds sa mga akusasyon kay Duterte sa impeachment court; apang nagdesisyon ang prosekusyon nga bawion ukon i-drop ini nga alegasyon amo man ang alegasyon sang grave threats batok kay President Ferdinand Marcos Jr. kag ang bribery sa DepEd officials.
Isa ka article ang nagapabilin sa impeachment trial nga amo ang ginaalegar nga unexplained wealth sang bise presidente.
