Nalakip sa mga plano ni Iloilo City Mayor Raisa Treñas nga palapadon ang iya mga programa sa nagkalain-lain nga distrito sang siyudad.
Isa na diri ang revitalization sang Mandurriao Plaza.
Suno kay City Councilor Alan Zaldivar, ang nasambit nga proyekto magabulig sa pagpanami sang pampubliko nga espasyo, pagpreserbar sang kultural nga palanublion kag pagpalig-on sang identidad sang komunidad.
Suno kay Zaldivar, bilang isa ka Mandurriaonon, nagapakita ini sang commitment sang administrasyon nga masiguro ang balanse nga pag-uswag sa nagkalain-lain nga distrito.
Ginpasalig man sini ang iya padayon nga kooperasyon sa Sangguniang Panlungsod agud masuportahan ang mga plano ni Treñas kag masiguro nga ang mga ini mangin konkreto nga benepisyo para sa mga Ilonggo.
Ini nga pahayag ni Treñas kadungan sang iya ikaduha nga State of the City Address (SOCA) 2026, kahapon, Oktubre 26.
