Ginpasalig sang Department of Trade and Industry (DTI) nga wala sang nagakatabo nga “shrinkflation” agud ma-mentinar ang presyo sang mga produkto.
Ini kaangot sa commitment sang manufacturers sang 190 monitored basic necessities and prime commodities nga indi sila magpasaka sang presyo tubtub matapos ang tuig.
Suno kay DTI Secretary Maria Cristina Aldeguer-Roque, indi pagbuhinan sang manufacturers ang kadakuon, kabug-aton ukon ang kadamuon sang isa ka produkto para lang magapabilin sa amo lang nga presyo ukon ang practice nga ginatawag nga “shrinkflation.”
Nauna na nga ginpahayag nga nalakip sa mga produkto nga indi magpataas ang presyo amo ang delata, gatas kag kape, tinapay, instant noodles, asin, bottled water, mga habon, kag mga kandila.
Kaupod man ang produkto nga luncheon meat, meat loaf, corned beef, beef loaf, condiments, rekado, kag mga battery.
Ginsiguro man ni Roque nga tubtob ini sa Disyembre 31, 2026 para sa bug-os nga pungsod bangud gina-monitor man nila ang presyo paagi sa ila regional offices kag nagapatigayon sang weekly price checks.
