Pormal na nga gin-inagurahan sa banwa sang Lambunao ang duha ka panalgan nga Family and Youth Development Center (FYDC), nga ginpondohan sang Iloilo Provincial Government sang ₱5 million.
Suno kay Atty. Von Superio, Provincial Population Officer, ang pasilidad amo ang ikaapat nga FYDC nga na-inagurahan sa probinsya kag una sa Third District sang Iloilo.
Magaserbe ini nga sentro para sa mga programa sa responsible parenthood, pre-marriage counseling, youth development activities, kag iban pa nga programa para sa pamilya kag pamatan-on.
Magagamit man ini sang Local Youth Development Office, Sangguniang Kabataan kag Barangay Service Point Officers.
Pahayag pa niya, may 31 ka FYDCs nga ginapatukod sa nagkalain-lain nga banwa sang probinsya, nga nagarepresentar sang kapin ₱200 million nga investment sang Iloilo Provincial Government.
Ginalauman nga pinaagi sa sini nga pasilidad, mas mapabakod ang mga programa para sa pamilya kag mas empowered nga pamatan-on sa Lambunao.
Text by: Bombo Lynd-C Bade
