ILOILO CITY – Nag-resign na si Leocadio Sebastian bilang undersecretary sang Department of Agriculture (DA).
Ini ang ginkumpirma ni Press Secretary Trixie Cruz Angeles pinaagi sa isa ka Facebook live.
Si Sebastian amo ang nagpirma sang illegal importation order para sa 300,000 tons sang kalamay.
Siya ang undersecretary for operations kag chief of staff to the Secretary of Agriculture.
Suno kay Angeles, nabaton sang Malacañang ang resignation letter ni Sebastian nga napetsahan Agosto 11.
Nagpangayo sang pasaylo si Sebastian sa Chief Executive sa pag-aprubar sang Sugar Order No. 4 apisar nga wala sang approval nagikan kay Marcos bilang DA Secretary kag amo man ang chairman sang Sugar Regulatory Board.
Kung madumduman, ginbasura ni Marcos ang proposal nga mag-import sang 300, 000 metric tons sang kalamay kasunod sang pagdangat na sa P100 nga presyo sa kada kilo sini sa mga wet markets.
Ginpahayag sang Malacaِñang nga wala sang otoridad ang nagpirma sang order in behalf ni Marcos.
Ang amo nga resolution ang makabig nga illegal bangud nga wala nagpatawag sang bisan ano nga pagsinapol si Marcos upod sa Sugar Regulatory Administration (SRA).
