ILOILO CITY – Ginpahayag sang United Nations Command nga isa ka American soldier nga nagapangatubang sang disciplinary action ang nag-cross sa border nagikan sa South Korea pasulod sa Democratic People’s Republic of Korea.
Nagagwa sa mga reports nga ang lalaki amo si Travis King, isa ka army soldier nga may rangko nga private second class.
Suno sa command, ang lalaki ang nag-cross sa border padulong sa North nga wala sang pahanugot kag yara subong sa kustodiya sang North Korea.
Pahayag naman sang US military sa South Korea, ang lalaki ang nag-cross sa military demarcation line nga wala sang pahanugot kag wala ginpilit.
Base sa mga report, antes ang insidente, ang soldado ang ginpabalik sa Estados Unidos bangud sang disciplinary reasons apang sang nakalabay na sa airport security, nakatigayon ini nga makapalagyo kag nag-upod balik sa border tour sang Joint Security Area.
Suno sa mga nakakita, ginbisitahan lamang nila ang isa sa mga buildings sa site sang nagkadlaw ang lalaki kag nagdalagan sa mga tunga sang mga building.
Ginapahayag nga wala sang North Korean soldiers sa lugar kun sa diin ang lalaki nagpadulong.
Ang pagtabok sang American soldier ang natabo kadungan sang mataas nga tensyon sa Korean peninsula bangud sa pag-abot sang US nuclear-armed ballistic missile submarine sa South Korea para sa tuman ka laka nga pagbisita kag warning sa North Korea sa ila nga military activities.
Sa subong, wala pa nakapagwa sang pahayag ang US State Department, ang Pentagon kag ang North Korea’s mission to the United Nations.
Sang 2015, isa ka college student ang gin-detain sang North Korean authorities samtang naga-tour sa pungsod.
Siya ang napatay sang 2017, pila ka adlaw matapos ginpagwa nagikan sa North Korea kag ginbalik sa Estados Unidos nga naka-coma.
