ILOILO CITY- Ginpamatbatan nga guilty sang korte sa Delaware si Hunter Biden, anak ni President Joe Biden, sa tatlo ka felony gun charges matapos ang isa ka semana nga trial nga nagsentro sa iya drug addiction history.
Si Hunter Biden ang ginkasuhan sa federal court sa Wilmington sang tatlo ka felony counts nga naangot sa paghupot sang armas samtang nagagaamit sang narcotics.
Nag- plead naman ini nga not guilty.
Ginsuguran sang jury ang deliberasyon sang Lunes, oras sa America kag nag- deliberate sang tatlo ka oras antes ang maragtason nga pamatbat.
Ang trial ang pinakauna nga kaso nga involved ang anak sang isa ka sitting president.
Duha sa mga counts ang may yara sang maximum prison sentences nga 10 ka tuig, samtang ang ikatlo nga count ang may maximum nga lima ka tuig.
Sa idalom sang federal sentencing guideline recommendations, siya ang mahimo masentensiyahan sang masobra isa ka tuig sa presohan.
Ang kada count may yara naman sang maximum nga multa nga $250,000 ukon kapin P14.5 million.
Wala pa sang gintalana nga petsa para sa pagbasa sa iya sentensiya.
