ARMENIA – Ang paghibi nga naga tululugay ang luha isa ka palatandaan nga tuman nga nagasubo ang isa ka tawo.
Apang paano kun maghibi ka indi luha ang nagatululugay? Paano kun crystal? Mangin masubo ka pa ayhan?
Didto sa Armenia, may yara sang isa ka 22 anyos nga babayi nga ginkilala si Satenik Kazaryan nga ginapasuni nagahibi sang masobra sa 50 ka krystal kada adlaw.
Para sa iban nga tawo isa ini ka maayo nga balita apang para kay Kazaryan isa ini ka masakit nga butang bangud sa kada hibi niya daw kaangay nga gina patay sya bangud sa tuman ini kasakit.
Indi naman makapati ang Opthalmologist ni Kazaryan apang sang iya na nga ginpa idalom si Kazaryan sa nagkalain-lain nga test natukiban niya nga matuod nga cystal ang naga gwa sa mata sang babayi.
Suno sa Russian Opthalmologist nga si Tatyana Shilova ang formation sang crystal sa sulod sang lawas sang isa ka tawo ang theoratically posible kun maglain ang body composition sang tawo.
Sa subong, nagapabilin sa gihapon nga misteryoso ang ginapa suni krystal nga naga gwa sa mata ni Kazaryan apang padayon man nga naga pati ang pamilya ni Kazaryan nga matuod ini.
