“Lilibet Diana Mountbatten-Windsor.”
Ini ang matahum nga pangalan sang healthy baby girl nga ginbun-ag ni Meghan Markle, Duchess of Sussex. Si Lilibet ‘Lili’ Diana ang ikaduha nila nga anak sang iya bana nga si Prince Harry.
Suno sa spokesperson nanday Prince Harry kag Meghan, ginsunod ang pangalan ni Lili sa iya great-grandmother nga si Queen Elizabeth nga ginatawag Lilibet sa ila nga pamilya.
Ang Diana nga iya middle name ang ginsunod naman sa iya late grandmother, ang iloy ni Prince Harry nga si Princess Diana, ang Princess of Wales.
Nagbun-ag si Meghan sa Santa Barbara Cottage Hospital sa California.
Sa subong suno sa spokesperson, healthy kag nagapahuway-huway sa ila balay ang mag-iloy. Pebrero sang gin-anunsyar sang duha nga nagabusong si Meghan sa ila nga baby girl.
