Padayon ang ‘Saturday Habit’ ukon regular clean-up kada Sabado sang Barangay Rizal, La Paz, Iloilo City sa ila nga creek .
Sa interview sang Bombo Radyo kay Punong Barangay Chi Chi Narandan, iya ginpahayag nga may yara sila sang tokhang ukon grupo sa barangay nga responsable sa pagtinlo sang creek.
Suno kay Narandan, bangud wala untat ang ila nga paglimpyo sa creek, maayo kag tayuyon na ang ilig sang tubig halin sa merkado.
Ginpahayag sang opisyal nga magadihon man sila sang ordinansa sa diin ginadumilian ang mga pumuluyo nga maghaboy sang basura sa creek.
