ILOILO CITY- Nagpatigayun sang “Brigada Eskwela Kick-Off” ang Department of Education Region 6 para ipreparar ang mga eskwelahan sa palaabuton nga pagbukas sang klase sa Agosto 29 kag para pinal nga ianunsyar ang pagaobrahun nga Brigada Eskwela sa mga eskwelahan sa rehiyon.
Gintambungan ini sang mga district head supervisors, supporters, stakeholders kag mga private partners nga naghalin sa nagkalalain lain nga probinsya kag siyudad sa Western Visayas.
Sa interview sang Bombo Radyo Kay Dr. Victor De Gracia, Asst. Regional Director sang Department of Education Region 6, iya ginpahayag nga katuyuan nila nga mapaluntad ang pagbinuligay sang mga komunidad sa pagpanami sang mga eskwelahan nga pagasudlan sang mga estudyante kag mahatagan sang komportable nga institusyon ang kabataan.
Naghatag man sang nagkalain-lain nga mga kagamitan sa sulod sang eskwelahan ang mga partner nga private sectors kaangay sang mga LED television sets, electric fans, kag iban pa.
