ILOILO – Desidido nga magpasaka sang kaso ang isa ka collector, matapos nga ginapahayag ginsakit sang negosyante nga si Vicente ‘Itik’ Espinosa.
Sa interview sang Bombo Radyo kau Ruth Gabion, 54 anyos sang Brgy.Tanza, Bonifacio Iloilo City Proper iya ginpahayag nga makapila na siya nga bes nga ginsakit ni Espinosa nga wala sang rason.
Una diri ang pagtampa sa iya kag ang pagpamahog sa iya nga patyon sya lakip man ang pagsumbag sa iya sa apipingig.
Suno kay Gabion, nagpadulong siya sa hospital kun sa diin naka hospital arrest si Espinosa nga mag remit lang kun tani sang mga nakolekta niya nga bayad sang utang sang nag init ang ulo ni Espinosa bangud bag-o lang siya nagpakita kag naka remit sang bayad matapos ang ginabanta sa tatlo ka semana didto na siya ginsumbag sini sa iya nga apipingig.
Dugang sang natungdan, ginkuga man sya ni Espinosa samtang gina pahog nga patyon siya.
Santo sa pahayag ni Gabion, ginahulat nalang niya ang resulta sang iya medical kag handa siya nga pasakaan sang kaso si Espinosa agud mahatagan sang hustisya ang natabo sa iya nga nag hatag sa iya sang tuman nga kakugmat.
