ILOILO CITY – Nagpangayo sang dugang nga budget ang Department of Health sa Department of Budget and Management para sa coronavirus disease 2019 response allowance sang mga healthcare workers.
Suno kay Health Undersecretary Maria Rosario Vergeire, P27-billion ang gin-request sang ahensya pinaagi sa isa ka sulat nga ginpasa sang nagligad nga Nobyembre 8.
Ini agud nga ma-cover ang nabilin nga mga binulan subong nga tuig nga wala pa na-cover sang health emergency allowance.
Nagahulat pa sila sang sabat sang Department of Budget and Management sa ila nga request.
Suno pa sa natungdan, ang ahensya ang nakapagwa na sang P19.4 billion nagikan sa General Appropriation Act kag Special Allotment Release Orders nga ginhatag na sa mga health care workers.
Nagalaum ang ahensya nga mahatag na ini antes pa man ang paskwa agud nga mangin malipayon man ang mga medical frontliners.
Nahibaluan nga subong nga tuig, ginpirmahan ni anay presidente Rodrigo Duterte ang Republic Act No. 11712 ukon mas kilala nga “Public Health Emergency Benefits and Allowances for Healthcare Workers Act.
