ILOILO CITY – Wala na-monitor sang maayo sang Department of Health ang paggamit sang ₱745.93 million Malampaya fund nga gin-pain para sa ila sang 2009 para sa pag-rehabilitate sang mga facilities nga ginguba sang Typhoon Ondoy.
Ini ang suno sa Commission on Audit.
Suno pa sa ahensya, may yara sang mga programa kag proyekto nga ginpatuman sang mga ospital kag health facilities ang wala nangin compliant sa ginapangayo nga specifications kag implementing guidelines.
Ang Malampaya Fund ang ginalakipan sang kita sang national government nagikan sa Camago-Malampaya natural gas project humalin sang Oktubre 26, 2001.
Humalin sang Enero 1, 2002 tubtob sa Hunyo 30, 2013, ang national government ang nakakita sang ₱173.28 billion nagikan sa Malampaya gas fields.
As of May 21, 2012, ₱38.84 billion ang gin-release sa national government agencies pinaagi sa Department of Budget and Management suno sa Commission on Audit.
Sang 2009, ₱745,926,000 ang gin-release sa Department of Health sa idalom sang Special Allotment Release Order B-09-09046 para sa pag-repair sang mga ospital kag health facilities kag ang pagbakal sang equipment kasunod sang paglaslas ni Typhoon Ondoy.
Gin-transfer sang Department of Health ang Malampaya Fund nga ₱32.77 million sa duha ka mga ospital kag isa ka health facility apat tubtob 21 ka bulan matapos nga gin-release ang Special Allotment Release Order ukon pito tubtob 24 ka bulan matapos ang paglaslas sang bagyo Ondoy.
