Wala preno ang ginpangbuy-an nga pahayag ni Miss Bulgaria Radinela Chusheva may kaangtanan sa nangin resulta sang 69th Miss Universe pageant.
Madamo ang naham-ot sa iya serye sang Instagram stories kun sa diin wala man sini gintago ang disappointment kun ngaa si Andrea Meza sang Mexico ang nagdaug.
Indi deserving si Mexico suno kay Andrea bangud ang icon gid niya amo si Nova Stevens sang Canada.
Dala man sa iya napilian nga deserving amo si Miss Universe Philippines Rabiya Mateo kag mga kandidata halin sa Thailand, Malaysia, Cambodia, kag Costa Rica.
Sang may nagpahayag nga basi madulaan siya sang fans sa Mexico bangud sang iya ginapanghambal, nagsabat si Miss Bulgaria nga sorry not sorry apang masobra 10 ka adlaw niya nga kaupod ang 73 ka mga kandidata apang wala gani niya nakilal-an kun sin-o si Andrea Meza.
Nahibaluan nga wala man sang placement sa amo nga pageant si Bulgaria apang isa siya sa mga wala nagtago sang disgusto sa nangin resulta sang pageant.
