Nagpaguwa sang statement ang Department of National Defense (DND) kasunod sang kamatayon sang founding chairman sang Communist Party of the Philippines (CPP) — ang exiled communist leader nga si Jose Maria Sison ukon Joma Sison.
Suno sa ahensya, ini ang pagtapos sang pinakadaku nga balabag sa kalinong sa Pilipinas. Ginpahayag pa sang defense department nga ang kamatayon ni Sison amo ang simbolo sang “crumbling hierarchy” sang Philippine communist movement.
Ginatumod sang ahensya ang Communist Party of the Philippines (CPP) kag ang armed wing sini nga New People’s Army (NPA) kag ang political arm nga National Democratic Front (NDF).
“The greatest stumbling block of peace for the Philippines is gone; let us now give peace a chance… The death of Jose Maria Sison is but a symbol of the crumbling hierarchy of the CPP-NPA-NDF, which he founded to violently put himself in power,” suno sa DND.
Nagpanawagan man ang ahensya sa mga sumulunod ni Sison nga magtalikod na sa communist movement amo man sa “violent kag false ideology”.
Para naman sa Armed Forces of the Philippines (AFP), nagalaum ini nga untaton na sang successor ni Sison ang armed struggle sang movement.
“It’s an opportunity for his successor, if there will be, to chart a new direction in promoting reforms. Hopefully, away from armed struggle,” suno kay AFP spokesperson Medel Aguilar.
Napatay si Sison sa edad nga 83 anyos matapos ang duha ka semana nga confinement sa ospital sa the Netherlands.
Natalana pa nga ipaguwa sang CPP ang specific details kasunod sang kamatayon ni Sison.
Gintukod ni Sison ang CPP sang December 26, 1968.
Nadakpan siya sang AFP sang November 1977 sa idalom sang pagginahum ni anay Presidente Ferdinand Marcos Sr. Napaguwa siya sang March 1986 matapos ang EDSA Revolution.
Sang 1988, nag-apply siya bilang political refugee sa the Netherlands matapos nga ginkanselar sang Philippine government ang iya nga passport samtang yara siya sa amo nga European country.
Didto na nagtinir si Joma tubtub nga ginbawian ini sang kabuhi.##
