20 na ka mga fireworks-related injuries ang na-rekord sa Pilipinas pila ka adlaw antes ang Bag-ong Tuig.
15 sa sini suno sa Department of Health ang nalista sa sulod lamang sang isa ka adlaw ukon sa kasagsagan sang pag-selebrar sang Paskuwa.
Ini nga pyrotechnic injuries subong nga tuig ang kaangay man sa numero nga na-rekord sang nagligad nga tuig.
Una na nga nagpahayag ang Department of Trade and Industry nga likawan ang pagbakal sang uncertified fireworks, bangud potensyal ini nga makatuga sang samad sa tawo.
Suno kay Department of Health officer-in-charge Maria Rosario Vergeire, kun masamaran gani bangud sa fireworks, dapat nga limpyuhan ang pilas gamit ang running water kag takpan sang gauze ukon malimpyo nga tela antes magkadto sa ospital.
Mas maayo man suno sa health department nga sug-alawon ang 2023 nga wala sang palupok; sa baylo, gamiton lamang ang karaha kag drums; glow sticks; ukon iban pa nga safe gamiton.
