Ginatahod ni Department of Health Secretary Francisco Duque III ang panawagan sang pila ka mga senador nga magbiya na sya sa iya nga pwesto sa tunga sang ginapangatubang nga krisis sang Pilipinas nga gintuga sang Covid-19 pandemic.
Sa pihak sini gin-ako ni Duque nga indi malikawan nga masakitan ang iya balatyagon sa nangin lihok sang Senate majority ilabi pa subong nga nagakadapat nga maghugpong ang tanan agud batuan ang paglapta sang virus.
Suno kay Duque, kun tani ginpasalamatan nalang sang mga mamalidha ang ginapatigayon nga lihok sang ila nga ahensya nga amo ang nagapanguna sa away batok sa makamamatay nga balatian.
Ginpahayag man ni Duque nga padayon niya nga pamunuan ang Department of Health kag Inter-Agency Task Force sa pihak sang pagpakamalaot sa iya tubtob nga ginasaligan pa sya ni Presidente Rodrigo Duterte.
