ILOILO – Nangin bugal ni Dr. Luis M. Sorolla anay presidente sang West Visayas State University ang legasiya nga iya ginbilin sa unibersidad matapos ang malawig nga tuig sang iya pagserbe.
Sa interview sang Bombo Radyo kay Dr. Sorolla, iya ginpahayag nga ginapabugal niya ang mga maayo niya nga ginbuhatan sa unibersidad sa sulod sang pila ka tuig.
Suno kay Sorolla, makita ang pag progreso sang unibersidad sa idalom sang iya pagpanguna paagi sa performance sang mga estudyante sa board exams kaangay nalang sang College of Nursing, College of Medicine kag College of Education nga makapila na nga nagpanguna sa bilog nga pungsod.
Dugang sang natungdan, indi lang ang main campus sang WVSU ang nag uswag lakip man ang mga external campuses sini.
Nangin ISO Accredited man ang unibersidad sa idalom sang iya pamuno kun sa diin naga sunod na ini sa world standards.
Bag-o maghalin sa iya pwesto ang anay presidente, iya man nga ginpatigayon ang pagrenovate sang Cultural Center sang Unibersidad.
Sa pihak sini nagpasalig si Sorolla nga nagapati sya nga mangin mas maayo ang WVSU sa idalom sang bag-o nga presidente nga si Dr. Joselito Villaruz nga iya ginkabig nga isa ka maalam kag abilidadan nga tawo,
