ILOILO CITY- Handa ang Department of Social Welfare and Development Region 6 nga maghatag sang nagakaangay nga bulig para sa dalagita sa naglapta nga video sa diin makit-an nga nagasaot ini kag halos nagahublas sa MO2 Ice sa Smallville Complex, Mandurriao, Iloilo City.
Sa interview sang Bombo Radyo kay Atty. Carmelo Nochete, regional director sang Department of Social Welfare and Development Region 6, iya ginpahayag nga mahimo sila maghatag sang technical assistance ukon resource augmentation.
Suno kay Nochete, magahulat lang sila sang request halin sa local government.
Ginrekomendar naman ni Nochete ang pagpapag-on sa mga programa nga nagasentro sa promosyon sang importansya sang pamilya agud nga mabuligan ang kabataan nga indi normal ang paminatasan.
