ILOILO CITY- Magapatigayon sang experimental route ang banwa sang Pavia, Iloilo sa Agusto 17, las 6:15 sa aga.
Ini matapos nga ginkay-o sang Department of Public Works and Highways ang Ungka Pavia Railway Road asta sa portion sang Ungka Jaro Railway Road kun sa diin gintambakan sang dakal-dakal ang mga lubak bilang “band aid solution” agud maagyan sang salakyan.
Ang amo nga area ang gin-develop sang 2020 para magamit bilang “alternate road” samtang ginatukod ang flyover sa Ungka.
Sa interview sang Bombo Radyo kay Pavia, Iloilo Sangguniang Bayan Member Jose Maria ‘Pyt’ Trimañez, chairman sang Committee on Transportation, iya ginpahayag nga katuyuan sang experimental route amo nga mahagan-hagan ang trapiko sa Ungka flyover.
Yari ang kabahin sang experimental route:
1.Ang tanan nga salakyan halin sa Parc Regency ang magaagi sa railway road pakadto sa C1 kag maga- proceed sa U-turn slot (pakadto sa Centro Verde) magaliko patuo kag magaagi sa railway road (City Side) kag madiretso sa Marymount Warehouse kag maliko pawala sa Ninoy Aquino Ave.
2.Ang mga salakyan halin sa Pavia kag halin sa Iloilo City ang mahimo na magliko sa wala sa CorNi Intersection.May gin-designate nga “left turn lane” para sa tanan nga salakyan
Samtang ang Pavia Traffic Management Office naman ang magapanghawan sa railway road gikan sa illegal parking kag road obstructions.
