ILOILO CITY- Nagluntad ang lapnagon nga outage sang access sa social networking site nga Meta ukon mas kilala sa tawag nga facebook.
Naeksperyensiyahan ini sa bilog nga kalibutan sang minilyon nga mga users kun sadiin hinali nga naglog-out ang ila mga accounts.
Nalakip man diri ang Instagram kag messenger nga ginapanag-iyahan man sang Meta Platforms.
Sa Downdetector.com, ang site nga nagahatag sang impormasyon tuhoy sa status online sa mga website kag social media platform, makit-an nga nakapula ang mga nasambit nga sites.
Naobserbahan ang pagtaas sang linya sang “outages” mga las- 11 kagab-i.
May yara man sang problema sa Threads, ang social network nga ginlunsar sang Meta sang nagligad nga tuig.
Nangin trending sa X nga anay Twitter, ang hashtags nga “hacked,” “Mark Zuckerberg,” “what is happening,” “Meta” kag “FB and IG.”
Sa post sa X, ginpahayag ni Meta communications director Andy Stone nga nahibaluan nila ang nangin problema.
Sa status page ng Meta, nakasaad nga may natabo nga “major disruptions” sa pila nila ka business tools, kaupod na ang Ads Manager, Facebook kag Instagram Shops, Meta Business Suite, kag Meta Admin Center.
