ILOILO CITY- Isa pa ka Filipino missionary priest ang magapanguna sa isa ka papal mission sa gamay nga island country sang Tuvalu sa Pasipiko.
Ini matapos gin- appoint ni Pope Francis si Fr. Eliseo Napiere sang Mission Society of the Philippines (MSP) bilang superior of the Missio sui iuris (independent mission) of Funafuti.
Ang missio sui iuris isa ka special mission nga gintukod sang santo papa para sa remote region nga may diutay nga mga Katoliko.
Ang Funafuti may yara sang populasyon nga kapin 11,000 kun sa diin 110 lang ang Katoliko nga lunsay yara lang sa isa ka parokya.
Ang 58- anyos nga si Napiere, ang nagaserbe nga parish priest sang Saint James the Less Perris Parish, nga parte sang US diocese of San Bernardino sa California, humalin sang 2018.
Siya ang myembro man sag presbyteral council sang diocese.
Gin-assign ini sa US sang 2016, kag nangalagad bilang parish vicar sang Saint Edward Parish sa Corona, sa idalom sang San Bernardino diocese.
Si Napeire ang ginbun-ag sang Maribojoc, Bohol kag gin-ordenahan bilang pari sang Enero 1991.
