Gindeklarar nga fourth runner-up ang syudad sang Iloilo sa pagtakop sang Batang Pinoy National Championships 2022 sa Vigan City, Ilocos Sur.
Sa official medal tally sang Philippine Sports Commission, nakit-an nga may 46 ka mga medalya nga natipon ang syudad nga ginabug-usan sang 17 ka gold, 14 ang silver, kag 15 ang bronze.
Nauna sa ranking ang Baguio City, City of Pasig, Quezon City, kag Laguna.
Ang top five most outstanding Local Government Units ang ginkilala man kag ginhatagan sang trophies kag cash prizes.
Sa 42nd spot naman ang Iloilo Province nga may 27 ka medalya — duha ang gold medals, walo ang silver, kag 17 ang bronze.
Pormal nga gintakpan ang seremonya paagi kay Philippine Sports Comission Chairperson Noli Eala kag paagi sa simultaneous nga pagpanubo sang banners kag extinguishing sang urn.
Halin sang nagsugod ang Batang Pinoy Program sang 1999, madamo na ini sang na-produce nga mga kampyeon sa nagkalain-lain nga sports lakip na ang mga ginapadala sang Pilipinas sa Olympiada.
Subong nga tuig, 6,000 ka mga participants halin sa masobra 140 local government units ang nag-compete sa siyam ka face-to-face sports kaangay sang archery, athletics, badminton, chess, cycling, table tennis, swimming, weightlifting, kag obstacle course (demonstration). ##
