ILOILO CITY- Patay ang isa ka Italian kag pilason naman ang lima ka iban pa nga mga turista sa car ramming attack sa Tel Aviv,Israel.
Ginkilala ang nagpang-atake nga isa ka Israeli Arab hali sa banwa sang Kafr Qassem.
Suno sa otoridad, hungod nga ginpangsalakay sang lalaki nga nagamaneho sang salakyan ang mga tawo kag ginpangtiro sa isa ka lugar malapit sa beach.
Natigayon naman nga mapatay sang otoridad ang driver.
Nahibaluan nga ini ang ikaduha nga pagpang-atake sa isa lang ka adlaw sa Israel matapos nga duha man ka Israeli nga mag-utod ang napatay sang ginpaarakan luthang ang ila salakyan sa bahin sang West Bank.
