ILOILO – Nagapabilin nga prioridad sang kapulisan ang kampanya nila batok sa ilegal nga droga.
Ini ang sa pihak sang kontrobersiya nga ginakaulamiran sang pila ka mga kapulisan kag ni anay Philippine National Police Chief Oscar Albayalde.
Sa interview sang Bombo Radyo kay Pol.Brig Rene Pamuspusan,Regional Director sang Police Regional Office 6 iya ginpahayag nga sa ginpatigayon nga Command Conference ginmanduan ni Presidente Rodrigo Duterte ang tanan nga mga Regional Directors nga mas pasangkaron ang pagpangdakop sa mga kapulisan nga inboldabo sa ilegal nga droga kadungan man sa ginaduso nga internal cleansing sa linya sang mga pulis.
Nagpahayag naman si Presidente Rodrigo Duterte sang iya pagkadismaya bangud sa padayon nga pagka ulamid sang mga kapulisan sa droga.
Suno kay Pamuspusan, positibo man si Philippine National Police Officer in charge Pol Lt. Archie Gamboa nga padayunon lang nila ang kampanya batok sa ilegal nga droga.
Dugang ni Pamuspusan, nagpanugyan man si Gamboa sa mga kapulisan nga indi magpa apekto sa isyu nga naga palibot sa ila nga ahensya kag padayon lang nga himuon ang ila nga mga responsibilidad.
