Kapin sa P156 bilyon ang gin nubo sang revenue collection sang Department of Finance kadungan sang ginpatuman nga Enhanced Community Quarantine sa Luzon.
Suno sa Department of Finance nagdangat sa P600.85 bilyon ang koleksyon sang Bureau of Internal Revenue kag Bureau of Customs sa first quarter sang tuig.
Ini mas manubo sang P156.26 bilyon sa P757.12 bilyon nga revenue target sa bilog nga tuig mas manubo sang P10.17 bilyon sa revenue collections sang gintalikdan nga tuig.
Sa kabilugan, nagdangat na sa P455.45 bilyon ang nakolekta sang Bureau of Internal Revenue nga mas manubo sang 2.86% sa P468.86 bilyon nga nakolekta sang 2019 kag manubo man sang 22.86% sa P590-43 bilyon nga target.
Samtang nagdangat naman sa P154.41 bilyon ang nakolekta sang Bureau of Customs nga mas mataas sang P2.28% kun ipaanggid sa P142.17 bilyon sang gintalikdan nga tuig apang mas manubo sang 12.75% sa P166.69 bilyon nga target.
Suno kay Department of Finance Secretary Carlos Dominguez, lauman nga mas magnubo pa sa P318 bilyon ang revenue kun magnubo sang 1% ang ekonomiya subong nga tuig kag P286.4 bilyon kun wala pa sang mangin pagbag-o sa sitwasyon.
