Ginpaboran sang Korte Suprema ang franchise expansion sang MORE Electric and Power Corporation sa Iloilo.
Sa Hulyo 30 nga ruling nga ginpagwa sang Supreme Court En Banc nga ginsulat ni Associate Justice Rodil V. Zalameda, nasaad nga wala sang constitutional right ang mga electric cooperatives sa exclusive franchise sa ila coverage areas.
“Electric cooperatives do not have a constitutional right to an exclusive franchise within their coverage areas.”
Ginbasura naman sang korte ang petition sang Iloilo Electric Cooperative, Inc. (ILECO) I, II, kag III nga naga-challenge sa validity sang Republic Act No. (RA) 11918.
Ang layi ang nagapahanugot para sa pagpasangkad sang franchise sang MORE Power sa mga lugar nga may yara sang franchise sang ILECO.
Nahibaluan nga ang ILECO ang nagakapot sang franchise certificates agud mag-operate sa electric light kag power services sa nagkalain-lain nga banwa sa Iloilo kag Passi City.
