LAMBUNAO, ILOILO – Tuman ang pagpasalamat sang Local Government Unit sang Lambunao, Iloilo matapos makabaton sang Gold Award sa bridging leadership Angat Buhay.
Ang nasambit nga pasidungog ang ginhatag mismo ni Vice President Leni Robredo pinaagi sa programa niya nga Angat Buhay.
Sa exclusive interview sang Bombo Radyo kay Lambunao, Iloilo Vice Mayor Arvin Losaria, iya ginpahayag nga ang nasambit nga pasidungog ang isa ka pagkilala sa mga programa kag proyekto sa banwa nga nagabulig sang dako sa mga pumuluyo.
Suno kay Losaria, ang nasambit nga mga proyekto ang natuman bangud sa innovation, flagship program kag champion farmers program.
Ginpahayag man ni Losaria nga ang nasambit nga mga programa ang ginalauman nga ipatuman man sa iban nga mga lugar sa probinsya sang Iloilo.
Ang nasambit nga pasidungog ang ginbaton nanday Vice Mayor Losaria, anay Mayor kag subong Board Member Jason Gonzales.
