ILOILO CITY- Naglaslas ang mabaskog nga winter storm sa Northeast nga bahin sang Estados Unidos sang America kag nag-apekto sa byahe sang minilyon ka mga tawo kag nagpwersa sa mga eskwelahan nga magkansela sang klase.
Suno sa National Weather Service, ginputos sang sunow ang West Virginia padulong sa New England.
Sa New York City nga amo ang pinaka- populous nga syudad, nag-ulan man sang snow nga nagadamolsang pito ka pulgada rason nga halos indi makahulag ang mga salakyan samtang sa iban nga parte, halos isa ka tapak gid ang kadamulon sang snow sa dalan.
Ang nasambit nga snow storm ang nagtapos sa “snow drought” sa New York City nga naglawig sang halos duha ka tuig.
Masobra sa 900 flights naman halin kag pakadto sa Boston Logan International kag Newark Liberty International airports sa New York ang na- delay ukon gin- cancel.
