Nagdangat sa P130-million ang gindugang ni President Ferdinand Marcos Jr. para sa relief operations kasunod sang paglupok sang Bulkan Kanlaon sa Negros Island sang Disyembre 9.
Suno kay Office of Civil Defense (OCD)-VI Director Raul Fernandez nga amo man ang chairperson sang Task Force Kanlaon, kabahin diri ang P70 million sa Quick Response Fund sang OCD.
May yara man sang P30 million para sa Canlaon City kag lain pa gid nga P30 million para sa Negros Oriental provincial government.
Ini kasunod sang panawagan sang local governments sa dugang nga bulig bangud nga nagakaubos na ang ila nga disaster funds.
Una na nga gin-anunsyo nga posible magapaligad gid sang Paskuwa kag Bag-ong Tuig ang apektado nga mga residente sa evacuation centers sa Negros Occidental kag Negros Oriental.
Nag-request man ang Philippine Institute of Volcanology and Seismology (PHIVOLCS) sang 21 ka adlaw nga monitoring sa bulkan nga nag-umpisa sang Disyembre 10, kag ang resulta sini nga monitoring amo ang maga-desisyon kun panubuon, ipabilin, ukon ipasaka pa ang alert status nga subong yara sa Level 3.
As of Dec. 20, masobra sa 10,890 ka mga pamilya ang yara sa 32 ka evacuation centers sa Region 6 (Western Visayas) kag Region 7 (Central Visayas).
