ILOILO CITY- Magadepende pa sa Department of Public Works and Highways ang liwat nga pag-set sang kamara sang schedule sang legislative inquiry angot sa kontrobersyal nga Ungka kag Aganan flyovers.
Sa interview sang Bombo Radyo kay Surigao del Sur 1st District Rep. Romeo Momo nga amo ang chairperson sang Committee on Public Works and Highways nga nagapanguna sa inquiry, iya ginpahayag nga hulaton pa nila kun san- o ipagwa sang Department of Public Works and Highways ang final recommendation para sa rehabilitation sang palpak nga Ungka flyover.
Suno kay Momo, ang amo nga dokumento ang pinakaimportante nga instrumento sa hearing.
Matandaan nga kahapon sang natigayon ang legislative inquiry angot sa P680-million nga Ungka flyover kag ang atrasado nga pagpatukod sang P560-million nga Aganan flyover.
