ILOILO CITY- Patigayunon na subong nga adlaw ang State of the City Address ni Iloilo City Mayor Jerry Treñas.
Ginalauman nga ipresentar sang alkalde ang repleksyon sang mga kadalag-an, kauswagan kag masanag nga palaabuton para sa syudad.
Talakayon man sang alkalde ang himuon nga mga tikang sang syudad para mas mapataas pa ang lebel sini paagi sa iya W.H.E.E.L.S. (Welfare, Health, Environment, Education, Livelihood, and Sustainability) for Inclusive Development.
Isa na diri ang plano para sa Tree Park Networks and Beach Forests agud mag- contribute sa pagpasanyog sang ecosystem para sa mas sustainable nga syudad.
Ipresentar man sang alkalde ang pagpatahum pa sange city roadside paagi sa Native Trees Growing Project.
Ang State of the City Address ni Iloilo City Mayor Jerry Treñas ang hiwaton sa Plaza Libertad, las 4:00 karon sa hapon.
