ILOILO CITY- Nagadamo pa ang mga doktor nga natukiban nga nakasimpon sa mga doktor sa St. Paul’s Hospital sa Iloilo City nga nagpositibo sa Coronavirus disease 2019 (Covid-19).
Nahibaluan nga walo ka mga doktor sang nasambit nga ospital ang nagpositibo sa Covid-19 kag sa subong, naka quarantine sa hostel sang nasambit nga ospital.
Sa exclusive interview sang Bombo Radyo Iloilo kay Iloilo City Mayor Jerry Treñas, iya ginpahayag nga isa sa walo ka mga doktor ang naglagaw pa sa Bacolod City kag nagkaon kaupod ang iban pa nga mga doktor.
Suno kay Treñas, bag-o lang nakatapos sa real-time reverse transcription polymerase chain reaction (RT-PCR) test ang nasambit nga mga doktor apang sa baylo nga mag- home quarantine matapos nag-angkon sang close contact sa isa ka Covid-19 patient, ginlapas sang mga ini ang medical protocol.
Sa subong, naka lockdown sa gihapon ang St. Paul’s Hospital kag natalana nga buksan buwas nga adlaw.
