Suportado sang Ilonggo lawmakers ang House Bill (HB) No. 6608, ang nga magtukod sang kontrobersyal nga Maharlika Investment Fund (MIF).
Mismo si House Speaker Ferdinand Martin Romualdez ang una nagsiling nga masobra 200 sa 312 current members sang Kamara ang nagpasalig nga suportahan ang hagna paagi sa pag-co author diri.
Sa Iloilo, yari ang co-authors:
Iloilo City Lone District Rep. Julienne Baronda
Iloilo 1st District Rep. Janette Garin
Iloilo 2nd District Rep. Michael Gorriceta
Iloilo 3rd District Rep. Lorenz Defensor
Iloilo 5th District Rep. Raul Tupas
Aambis-Owa Rep Alex Anthony Colada
Uswag Ilonggo Rep. Jojo Ang
Magluwas diri, co-authors man sanday Guimaras Lone District Rep. Lucille Nava kag Antique Lone District Rep. Antonio Legarda.
Agud mapasar ang hagna sa third reading, kinahanglan sini makuha ang majority vote ukon masobra katunga sang lawmakers nga present.
Pananglitan i-veto ini sang presidente, kinahanglan sini ang two-thirds vote halin sa Senado kag sa Kamara.
Una na nga ginpahayag nga mas luyag ni Romualdez nga i-certify as urgent sang iya nga pakaisa nga si President Bongbong Marcos ang HB No. 6608.
Ini nga hagna ang gin-file ni Romualdez, Dalipe, presidential son kag Ilocos Norte 1st District Rep. Ferdinand Alexander Marcos, Marikina 2nd District Rep. Stella Quimbo, kag Tingog party-list Reps. Yedda Marie Romualdez kag Jude Acidre.
1
