ILOILO CITY – Nagdangat sa halos 200 ang napatay kasunod sang paglaslas sang tropical storm Freddy sa Malawi, isa ka pungsod sa southeastern Africa.
Ang death toll ang nagsaka sa 190 halin sa 99 nga gin-report sang Lunes.
Suno sa disaster management agency sang Malawi, ang commercial hub nga Blantyre hardest hit district kag ang lapnagon nga pagbaha kag mabaskog nga ulan ang nagguba sang mga dalan kag taytay nga nag-apekto naman sa relief operations.
Bangud sa nagapadayon nga pagbubo sang mabaskog nga ulan, 584 ka mga tawo ang pilason kag padayon pa nga ginapangita ang 37 ka mga tawo suno sa mga otoridad.
Suno sa United Nations Children’s Fund, mabudlay ang relief operation bangud sang insidente sang mudslides.
Una nga nag-igo ang bagyo sa central Mozambique kag nagguba sang mga atup sang bulidings kag nagresulta sa pagbaha sa palibot sang isa ka port.
Ang full extent sang kahalitan kag casualties sa Mozambique ang wala pa natumod sa subong.
