Nagsabat na si reigning Miss Universe Harnaaz Sandhu kasunod sang pag-muno sang iban nga mga tawo kaangot sa pagdaku sang iya lawas.
Wala nakaluwas si Harnaaz sa bashing kag nangin target sang body-shaming umpisa pa sang Marso matapos nakit-an sang publiko nga nagtambok ini pila ka bulan matapos nakoronahan.
Ginbuyagyag naman ni Harnaaz nga may yara ini sang ginabatuan nga gluten allergy.
Paathag sang isa ka health website, ang gluten allergy ukon ang celiac disease amo ang isa ka serious autoimmune disorder kun sa diin ang nagaisahanon nga treatment amo ang paglikaw sa gluten-containing food.
Nagpasalamat naman si Harnaaz sa Miss Universe Organization sa paghangop sa iya nga sitwasyon.
Isa pa ka powerful tweet ang gin-share sang reigning queen kasunod sini.
Suno diri, “A shape of your mind is more important than (the) shape of your body.”
