ILOILO CITY- Ginlunsar na sang Iloilo Police Provincial Office ang Motoronda Squad (Iloilo Motorcops Anti-Crime and Emergency Responders).
Sa interview sang Bombo Radyo kay PMaj Rolando Araño, spokesperson sang Iloilo Police Provincial Office, iya ginpahayag nga katuyuan sang proyekto nga mapasangkad ang police presence sa dalanon kag mapasanyog ang police response sa mga emergency situation.
Suno kay Araño, may yara sang team nga bug-usan sang anom tubtob walo ka mga Ilonggo motorcops nga magapatrolya sa kada distrito.
Ang Motoronda Squad ang brainchild ni PCol Ronaldo Palomo ,director sang Iloilo Police Provincial Office nga tuga sang iya handom para sa mas malinong kag matawhay nga Iloilo.
