ILOILO CITY – Gindagsa sang tumalan-aw ang Opening Salvo sang Dinagyang Festival 2020.
Lakip sa mga ginsirado amo ang dalan General Luna, Delgado, Ledesma, J. De Leon, Aldeguer, Mapa, Guanco, Ortiz, Iznart, JM Basa, Fermin Caram, Valeria, Quezon, Montinola, Solis, Yulo, Arroyo, Arsenal, Aduana, Huervas, Dela Rama, Muelle Loney kag Rizal.
Nag-umpisa ang parada halin sa New Freedom Grandstand sa Muelle Loney St., liko sa Aduana St., liko sa tuo sa JM Basa St. tubtub sa F. Caram Avenue, liko sa wala sa Solis St., liko sa wala sa Valeria St., liko sa wala sa De Leon St., liko sa tuo sa Iznart St., liko sa wala sa Rizal/Ma. Clara St., liko sa wala sa Mapa St., liko sa tuo sa JM Basa St., liko sa Dela Rama St. tubtub sa final disposal area.
Ang programa ang gin-umpisahan sang invocation ni Fr. Raymond Alcayaga, kura paroko sang San Jose Placer Parish Church, ginsundan sang paghatag sang mensahe nanday Iloilo Festivals Foundation Inc. President Atty. Joebert Peñaflorida, Iloilo City Mayor Jerry Treñas kag Iloilo City Lone District Rep. Jam-Jam Baronda kag ginsundan sang opisyal nga deklarasyon sa pag-umpisa sang Dinagyang Festival.
Pagkatapos sini, ginpakilala sa publiko ang 11 ka kandidata sa Miss Iloilo 2020 kag ginsundan sang performance sang barangay kag school-based tribes nga nagapakigbahin sa Dagyang sa Calle Real kag Dinagyang 360 degrees.
May yara man sang LED screen nga ginpahamtang para sa mga nagatan-aw sa malayo.
Ginpakita sa performance sang tagsa ka tribu ang mga endemic kag endangered species sa Western Visayas kag ginsundan sang sang 10-minute fireworks display.
