ILOILO CITY – Liwat nga ginduso sang Iloilo City Police Office sa Iloilo City Council nga ideklarar nga persona non grata ang mga miyembro sang New People’s Army.
Sa interview sang Bombo Radyo kay Police Colonel Martin Defenso Jr., director sang Iloilo City Police Office, iya ginpahayag paagi sa pagdeklarar nga persona non grata sa mga miyembro sang New People’s Army, luyag niya ipakita nga wala sila gina abi-abi sa syudad ang rebelde nga grupo.
Suno kay Defensor, nagalaum siya nga matigayon na ini subong nga administrasyon matapos wala nadayon bangud sa pagpamatok nanday anay Iloilo City Councilor Joshua Alim kag Plaridel Nava.
Ginpanugyanan naman ni Defensor ang kabataan nga indi magpa-impluwensya sa mga New Peoples’ Army kag sa baylo, magtuon sang maayo.
