ILOILO – Padayon ang panawagan sang Philippine Coast Guard (PCG) sa mga pumuluyo sa rehiyon nga magdonar sang food packs para sa mga nabiktima sang linog sa pila ka bahin sang Mindanao.
Sa interview sang Bombo Radyo kay Capt. Erlinda Benliro, station commander sang PCG Iloilo, iya ginpahayag nga sa subong, nagabaton pa sila sang pagkaon kag mga ilimnon.
Suno kay Benliro, nagakinahanglan sang madamo nga mga suplay sang tubig ang mga biktima sang linog.
Kuntani, suno kay Benliro, madul-ong na ang mga donasyon antes matapos ang subong nga semana.
Ginpasalig man ni Benliro nga mahatag ang food packs sa Region 11 kag 12 sa labing madali nga panahon.
Mahimo madul-ong ang mga food packs sa nagkalain-lain nga coast guard station sa Western Visayas.
