ILOILO CITY- Nagpanawagan ang direktor sang Iloilo Police Provincial Office sa mga ginikanan nga bantayan kag giyahan gid ang ila kabataan subong nga may yara na sang klase.
Ini may kaangtanan sa madamo man nga kaso sang pagkaulamid sang mga estudyante sa illegal drug transactions kun sa diin nagakadakpan ang mga ini sa mga anti-illegal drugs operations.
Sa interview sang Bombo Radyo kay Iloilo Police Provincial Office Director PCol Ronaldo Palomo, iya ginpahayag nga magluwas sa mga ginikanan, dako man ang papel sang mga manunudlo sa eskwelahan.
Suno kay Palomo, ginaengganyo niya sa mga manunudlo nga ipahangop man sa mga estudyante ang tuhoy sa indi maayo nga dulot sang iligal nga druga.
