MANILA– Ginbawi ni Presidential Spokesperson Harry Roque ang iya nangin pahayag nga ginapahanugutan ang paggamit sang mga motorsiklo nga may sidecars sa national highway.
Suno kay Roque, apisar nga ginpasuspinde ni Department of the Interior and Local Government Secretary Eduardo Año ang pagpanakop sang Highway Patrol Group, ginadumilian man sa gihapon ang pagbyahe sang mga may sidecar sa highway.
Samtang, ginpaathag man niya kun ngaa ginabawalan ang angkas sa motorsiklo.
Pahayag ni Roque, ang mga mag-asawa ang nagapakighambal kag nagapakigsimpon iban pa nga mga pumuluyo, kag bangud sini, may risgo nga ma-infect sila sang Coronavirus Disease 2019, rason nga ginabawalan nila ang pag-angkasanay.
Nahibaluan nga una na ginahayag ni Roque nga pahanugutan ang mga motorsiklo nga may sidecars sa national highway, agud makabulig sa paghatag sang sabat sa kakulang sang transportasyon.
